ہمیں جانیں
عید سعید غدیر 1428 ہجری کو ہادی ٹی وی نے سٹیلائٹ پر اپنی باقاعدہ نشریات کا آغاز کیا۔ بہت کم وقت میں یہ چینل کئی ملین افراد کی میڈیا میں پہلی ترجیح بن گیا، اور سینکڑوں کیبل آپریٹرز نے برصغیر پاک و ہند میں ہادی ٹی وی کو نشر کرنا شروع کیا۔ ہر روز نئے کیبل آپریٹرز ہادی ٹی وی کو مختلف ممالک کے شہروں اور قصبوں میں نشر کر رہے ہیں۔ مزید برآں، دنیا بھر میں سٹیلائٹ اور انٹرنیٹ کے ذریعے لاکھوں لوگ اس چینل سے استفادہ کر رہے ہیں۔
ہادی ٹی وی کا علم کی ترسیل اور اسلامی تعلیمات کے مطابق فرد اور معاشرے کی تربیت کا سفر کامیابی کی طرف بڑھ رہا ہے۔ یہ چینل اپنے عقائد و نظریات کو مکمل وضاحت، شفافیت اور یقین کے ساتھ پیش کرتا ہے، جبکہ دوسرے مذاہب، فرقوں اور قوموں کے عقائد کا مکمل احترام کرتا ہے۔ یہی وجہ ہے کہ مختلف مذاہب اور پس منظر رکھنے والے لوگ ہادی ٹی وی کو دیکھتے ہیں، پسند کرتے ہیں اور اس سے مستفید ہوتے ہیں۔
آپ کے تعاون سے ہادی ٹی وی معارف اہل بیت علیہم السلام کی ترویج و تبلیغ میں مصروف عمل ہے۔ اسی تعاون کے ذریعے ہادی ٹی وی وہ واحد چینل ہے جو نجف اشرف،کربلائے معلی، سامرا، مشہد مقدس اور شہر معصومہ قم (س) سے براہ راست نشریات کے ذریعے دلوں کو محبت اہل بیت علیہم السلام سے منور کر رہا ہے۔
ہمارے آفیشل سوشل میڈیا اکاونٹس مندرجہ ذیل ہیں:
